Алғыс айту күні – мейірім мен қамқорлық мерекесі! "Адал азамат" біртұтас тәрбие бағдарламасының "Қамқор" жобасы аясында 1 наурыз Алғыс айту күніне орай 8- сынып жетекшісі Серікбаева Жазира сыныбымен қайырымдылық шарасын ұйымдастырып, жалғызбасты анаға қамқорлық көрсетті.
Шара барысында оқушылар мен сынып жетекшілері бірлесіп, отбасыға азық-түлік себетін табыстап, үй шаруасына көмектесті. Бұл игі іс – жас ұрпақтың бойында мейірімділік, жанашырлық, үлкенге құрмет сияқты асыл қасиеттерді қалыптастыруға бағытталған.
Оқушылар қамқорлық көрсету арқылы қоғамдағы өзара сыйластық пен адамгершілік құндылықтардың маңызын терең түсінді. «Жақсылық жасау – әр адамның парызы» екенін сезінген оқушылар бұл шарадан үлкен әсер алды.
Қайырымдылық – жүректен шығатын жылу. Осындай игі істер алдағы уақытта да жалғасын табады деп сенеміз.
