Новости

«Ұлттық құндылық + ЖИ = Заманауи жаратылыстану білім» тақырыбында өткізілген жаратылыстану пәндері онкүндігінің аясында Қ.Сәтбаев атындағы жалпы білім беретін мектепте 7–10 сынып оқушылары арасында EXPERIMENT SHOW форматында әсерлі әрі тартысты сайыс ұйымдастырылды.

Бұл ғылыми шоу – физика, химия және биология пәндерін біріктіре отырып, оқушылардың теориялық білімін тәжірибемен ұштастырып, ұлттық таным мен заманауи ғылымды қатар танытқан ерекше алаң болды.

Сайыс 3 турдан тұрды:

І тур – «Теория & таным»

Қатысушылар жаратылыстану пәндері бойынша теориялық білімдерін, логикалық ойлау қабілеттерін сынға салды. Бұл кезеңде оқушылардың пәндік сауаттылығы мен жылдам ойлау дағдысы айқын көрінді.

ІІ тур – «Lab Smart»

Командалар зертханалық құрал-жабдықтарды тану, оларды дұрыс қолдану арқылы тәжірибелік біліктіліктерін көрсетті. Теория мен тәжірибенің сабақтастығы дәл осы турда нақты байқалды.

ІІІ тур – «Experiment Time»

Сайыстың ең әсерлі кезеңінде оқушылар ғылыми тәжірибелер жасап, құбылыстарды ғылыми тұрғыда түсіндіріп берді. Ұлттық өмірмен байланысты тәжірибелер көрермендердің қызығушылығын арттырды.

Ұлттық өнер – рухани серпін

Әр тур арасында ұлттық құндылықтарымызды дәріптеу мақсатында сахнада ұлттық би мен әсем ән өнері ұсынылып, сайысқа ерекше көрік берді. Бұл өнер көрсетілімдері ғылым мен ұлттық рухтың үйлесімін айшықтап, көрермендерге рухани әсер сыйлады.

EXPERIMENT SHOW

физика пәні мұғалімі Сейсенова Айжан,

химия пәні зертханашысы Төреханқызы Жайна және

биология пәні зертханашысы Айтбай Мейірімжан

ұйымдастыруымен жоғары деңгейде өтті.

Сайыс қорытындысы бойынша қатысушы командалар:

І орын, ІІ орын, ІІІ орын иеленіп,

сондай-ақ «Үздік ғылыми тәжірибе» және «Үздік командалық жұмыс» номинацияларымен марапатталды.

EXPERIMENT SHOW – ұлттық құндылықтар мен заманауи ғылымды ұштастырған, оқушылардың зерттеушілік қабілетін дамытып, ғылымға деген қызығушылығын арттырған мазмұнды әрі тағылымды шара болды.